உதடு ஒட்டா உணர்வுகள்.

அனைவரிடமும்,
'என்னிடமிருந்து என்ன
வேண்டும்?' என்றேன்.

அம்மா, தலையில் குட்டி,
‘அன்பு' என்றாள்,
அன்புடன்.

ஐயா, முறைத்து பார்த்து,
‘பாசம்' என்றார்,
பாசத்துடன்.

ஆசிரியர், ஆணவத்துடன்,
‘மரியாதை' என்றார்,
வெறுப்புடன்.

மேலதிகாரி, கண்பார்த்து,
‘கடமை+மதிப்பு' என்றார்,
பொறுப்புடன்.

நண்பன், ஆரத்தழுவி,
‘நட்பு' என்றான்,
நட்புடன்.

உடன்பிறப்புகள், கேவலமாய் பார்த்து,
‘நேசம் + பயம்' என்றனர்,
அதிகாரத்துடன்.

காதலி, உதட்டளவில் கூட,
ஒட்டாத வார்த்தையை சொன்னாயே !
காதலுடன்.

காதலை காதலிக்காதவர்கள், இத்துடன் நிறுத்தி கொள்ளலாம்... உங்களுக்காக எழுதிய கவிதை, இத்துடன் நிறைவுறுகிறது..

காதலை காதலிப்பவர்களுக்கு தொடர்கிறது....

அழுவாய், அறைவாய், என நினைக்க,
அலைமகள் போல
சிரித்தாய்.

'காதல்' உடன் ‘காமம்' சேர்.
ஒன்றுக்கு பதிலாக இருமுறை,
ஒட்டும் உதடுகள்...